Kleub ar 27

Kleub ar 27 a vez graet eus un toullad arzourien, brudet-mat e metoù ar Rock 'n' roll hag ar blues, hag a oa aet da Anaon en o seizh vloaz warn-ugent ha, gwall alies, en degouezhioù mantrus.

Sur a-walc'h e oa diwanet ar meizad-mañ en abeg d'an niver dreistordinal a dud vrudet, eus an hevelep metoù 'zo kaeroc'h, a oa tremenet e-pad ur prantad berr : adalek an 3 a viz Gouere 1969 (Brian Jones) betek an 3 a viz Gouere 1971 (Jim Morrison). Padal, daoust d'ar fromus ma voe an holl zarvoudoù-se n'eo ket gwall souezhus e vijent c'hoarvezet en ur c'houlz hag a veze renet gant Sex & Drugs & Rock & Roll...